Бишкекте эки күн катары менен айыл чарба жарманкеси болот

Бишкек шаарында 11-12-ноябрда айыл чарба жарманкеси өтөт. Бул тууралуу Айыл чарба министрлиги маалымдады.

Маалымдалгандай, жарманке 31-декабрга чейин ар аптанын дем алыш күндөрү уюштурулат.

Анда атамекендик өндүрүүчүлөрдүн, агроөнөр жай ишканаларынын жана жеке ишкерлердин айыл чарба продукциялары сатууга жана дүң баада жеткирүүгө чыгарылат.

Жарманке өтүүчү жайларды билип алыңыз:

– 1-май району (Киев-Раззаков-Токтогул көчөлөрүнүн кесилиши) – саат 8:00дөн 18:00гө чейин;

– Октябрь району (Нуркамал Жетикашкаев-Айтиев-Токомбаев көчөлөрүнүн кесилиши) – саат 7:00дөн 19:00гө чейин чейин;

– Свердлов району (Төрөкул Айтматов-Токтогул көчөлөрүнүн кесилиши) – саат 8:00дөн 18:00гө чейин.