Эртең Бишкектин кайсы аймактарында суу берилбейт? Тизме 

Эртең, 14-ноябрда Бишкектин айрым жерлеринде таза суу берилбейт. Бул тууралуу мэриянын маалыматында жазылат.

Белгилүү болгондой, ичүүчү суу «Энесай» суутоптомосунда жана шаардык суу түтүк тармактарына оңдоо иштерин жүргүзүүгө байланыштуу токтотулат.

Ага ылайык, саат 9:00дөн 15:00гө чейин төмөнкү даректерге суу берүү убактылуу өчүрүлөт:

Энесай конушу;
Дордой – 1 конушу;
Дордой – 2 конушу.

«Бишкексууканал» башкармалыгы келтирилген ыңгайсыздыктар үчүн кечирим сурайт жана калкты, уюмдарды ичүүчү сууну эртелеп камдап алышын суранат.