Кыргызстандыктар бир нече ооруларга бекер текшерүүдөн өтө алышат

Кыргызстандыктар вакцина менен башкарылуучу жана башка актуалдуу инфекцияларга каршы иммунитетин бекер текшере алышат. Бул тууралуу бүгүн, 13-ноябрда Саламаттык сактоо министрлигинен билдиришти.

Маалыматка ылайык, кыргызстандыктар вакцина менен башкарылуучу жана башка актуалдуу инфекцияларга каршы иммунитетин Саламаттык сактоо министрлиги менен Роспотребнадзордун биргелешкен илимий долбооруна катышуу менен акысыз текшере алышат.

"Буга байланыштуу Саламаттыкты сактоо министринин №1273 буйругу менен Улуттук коомдук саламаттык сактоо институтунун базасында вакцина менен башкарылуучу жана башка актуалдуу инфекцияларга калктын популяциялык иммунитетин баалоо максатында Кыргызстандын тургундарын кызамык, кызылча, Паротит, SARS-CoV-2 вирусуна, А, В, С, В, Е вирустук гепатиттерине 13-ноябрдан 25-ноябрга чейин акысыз тестирлөөдөн өткөрөт", - деп айтылат маалыматта.