УКМК дагы бир Facebook колдонуучусун Москвадан кармады

Москва шаарында УКМК тарабынан массалык баш аламандыктарды уюштурууга жана бийликти күч менен басып алууга чакырык жасаган Кыргыз жараны кармалды. Бул тууралуу бүгүн, 15-ноябрда атайын кызматтын маалымат кызматынан билдиришти.

Маалыматта кармалган жаран 1986-жылы туулган К.Н. аттуу Фейсбук социалдык тармагынын активдүү колдонуучусу экени айтылат. Орусиянын аймагында кармалган жаран Кыргызстанга алынып келинген.

Ал 20-ноябрга чейин УКМКнын Жалал-Абад облусу боюнча башкы башкармалыгынын тергөө абагына киргизилди.

Тергөө иштери жүрүп жатат.