"Газпром Кыргызстан" интернеттеги алдамчылык фактылары тууралуу эскертет

«Газпром Кыргызстан» компаниясы социалдык тармактарда компаниянын брендин колдонуу менен алдамчылык фактылары тууралуу эскертет.

Шылуундар компания өлкөнүн тургундарына микроинвестициядан акча табууга мүмкүнчүлүк берет деп билдиришүүдө. Алар жарандардын салган акчасын көбөйтүп берүүнү убадалап жатышат. «Газпром Кыргызстан» бул көз боёмочулук схемага эч кандай тиешеси жоктугун расмий билдирип, жарандардан ага катышпоону жана социалдык тармактардагы белгисиз адамдарга каражат которбоону өтүнөт.

«Газпром Кыргызстан» компаниясы мындай иш-чараларды эч качан өткөргөн эмес жана өткөрбөйт дагы. Расмий маалымат үчүн компаниянын 4444 (уюлдук телефондон чалуу акысыз) бирдиктүү сурап-билүү кызматына кайрылуу сунушталат.

10:38 15-11-2023

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

“Көз караш”, “Эмгек жарчысы”, "Бизнес-Инфо" рубрикаларында чыккан материалдардын маани-маңызы үчүн интернет-порталдын администрациясы жооп бербейт. Жарнамалык материалдардын маңызы үчүн жарнама берүүчү өзү жоопкер.

Рубрикадагы соңку кабарлар