Бишкекте жүргүнчү ташыган айдоочуларга түшүндүрүү иштери жүргүзүлдү

Бишкек шаардык Милициянын кайгуул кызмат башкармалыгынын Техникалык көзөмөлдөө бөлүмүнүн кызматкерлери тарабынан “Жүргүнчү ташуу” аталышында рейд өткөрүлдү. Бул тууралуу бүгүн, 15-ноябрда Милициянын кайгуул кызматынан билдиришти.

Маалымдалгандай, алар Бишкектеги жүргүнчү ташуу менен алектенген айдоочуларга жол кырсыктарын алдын алуу жана жарандарга сервистик кызмат көргөзүү багытында түшүндүрүү иштерин өткөрүштү.

Автобекеттерде облустарга каттаган такси айдоочуларына унааларынын техникалык абалы, иштөө тартипдерине жана жол кыймылынын эрежелери тууралуу да айтылды.

"Ошондой эле жолдо жалгыз эле айдоочунун коопсуздугу эмес, айдоочунун жүрүм-турумунан айланасындагы адамдардын да коопсуздугу көз каранды экендигин жана жол эрежесин так сактап, ылдамдыкты ашырбай, коопсуздукка терең көңүл буруу зарыл экендигин эскертишти", - деп айтылат маалыматта.