Камчыбек Ташиев Кара-Балтадагы Балдар чыгармачылык үйүнө барды

УКМКнын төрагасы Камчыбек Ташиев Жайыл районунун Кара-Балта шаарындагы Балдар чыгармачылык үйүндө болду. Бул тууралуу бүгүн, 17-ноябрда УКМКдан кабарлашты.

Маалыматка караганда, УКМКнын башчысы аталган борбордун жетекчилиги менен жолугушту.

"Атайын кызматтын башчысына студенттердин колунан жаралган ар кандай чыгармалар тартууланып, ошондой эле музыкалык аспапта комузда ойногон музыкалык жөндөмдүүлүктөрүн көрсөтүштү, жана көптөгөн таланттуу балдар райондук, облустук, республикалык ар кандай кароо-сынактарга катышып байгелерге жана ардактуу орундарга ээ болуп келе жатышкандыгы айтылды", - деп айтылат маалыматта.

Ошондой эле Камчыбек Ташиев Балдар чыгармачылык үйүнө окуучулар үчүн компьютердик класс ачуу, жаңы комуз, интерактивдүү доска жана бул борбор үчүн эмерек сатып алуу түрүндө жардам көрсөтүп, дагы да келечекте бул борборго дагы керектүү жардамдар көрсөтүлөрүн белгиледи.