Чек арадан он миңден ашык долларды алып өтүүгө аракеттенген чет элдик жаран кармалды

Бүгүн, 22-ноябрда "Достук-автожол" көзөмөл өткөрүү жайынын чек арачылары чек арадан акча каражатын мыйзамсыз алып өтүү фактысына бөгөт коюшту. Бул тууралуу УКМК Чек ара кызматынын маалымат жана коммуникация башкармалыгынан билдиришти.

Маалыматка ылайык, болжол менен саат 08:30 чамасында Чек ара көзөмөл өткөрүү жайындаа 1981-жылы туулган У.О. аттуу Орусиянын жараны кармалып, жанынан 10 миң 200 доллар табылган.

Ага ылайык, тиешелүү документтер толтурулган соң кармалган жаран жана акча каражаттар андан аркы териштирүү иштери үчүн компетенттүү органдарынын кызматкерлерине өткөрүлүп берилген.

"Жогоруда аталган жаран валютаны бажы мыйзамын кайгып өтүп, акча каражаттарын декларациядан өткөрбөй туруп алып өтүүгө аракет кылган", - деп айтылат маалыматта.