ОшМУ эл аралык рейтингде алдыңкы үчтүккө кирди

Билим берүү жана илим министрлиги Ош мамлекеттик университети Евазиялык билим берүү мейкиндигиндеги рейтингде алдыңкы үчтүккө киргендигин билдирди.

Маалыматка ылайык, “IAAR Eurasian University Ranking – 2023” эл аралык рейтингине Казакстан, Нидерланды, Индия, Түркия, Латвия, Азербайжан, Молдова, Армения, Грузия, Кыргызстан, Өзбекстан жана башка мамлекеттердин алдыңкы университеттери катышкан. Ал рейтингде биринчиде Аль-Фараби атындагы Казак улуттук университети (Казакстан), экинчиде Орусия өкмөтүнө караштуу Финансы университети (Россия), үчүнчүдө Ош мамлекеттик университети жайгашты.

"IAAR Eurasian University Ranking (IAAR EUR)” рейтинги IREG (Observatory on Academic Ranking and Excellence) рейтингин жүргүзүүнүн эл аралык методикалык стандарттарына негизделип IAAR агенттиги тарабынан иштелип чыккан жана жогорку окуу жайлардын ишмердүүлүгүнүн сапатын комплекстүү баалоого багытталган", - дейт маалыматта.

Эске салсак, Ош мамлекеттик университети – 2022-жылы Кыргызстанда өзгөчө макам алган беш университеттин бири.