Лейлекте жалпы 2 миллион сомдук аткезчилик жүгү кармалды

Чет мамлекеттин номуру тагылган автоунааларга аткезчилик жол менен жүктөлгөн жүктөр кармалганын бүгүн, 30-ноябарда Улуттук коопсуздук мамлекеттик комитети билдирди.

Маалыматка караганда, ушул жылдын 16-ноябрында Лейлек районунун Арка айылындагы кампадан 870 миң сомдон ашык суммадагы кондитердик азыктар түрүндөгү контрабандалык жүктү, чет мамлекеттин номуру тагылган Хьюндай Портер автоунаасына жүктөөдө 1992-жылы туулган М.Т. аттуу жаран кармалган.

Ошондой эле 21-ноябрда Лейлек районунун Арка айылындагы тургундун жеке үйүнөн чет мамлекеттин номуру тагылган Мерседес-Бенц Спринтер үлгүсүндөгү автоунаасынан 1 миллион сомдон ашык эл керектөөчү товарлардын аткезчилик жүгү табылган.

Жогорудагы фактылардын негизинде УКМК тарабынан козголгон кылмыш иши козголуп, иштин бардык жагдайлары жана ага тиешеси бар адамдарды аныктоо иштери жүргүзүлүүдө.