Жалал-Абадда интимдик кызмат көрсөтүп келген тажикстандык кыз кармалды (видео)

Жалал-Абадда интимдик кызмат көрсөткөн коңшу өлкөнүн жараны кармалды. Бул тууралуу Жалал-Абад облустук ички иштер башкармалыгы билдирди.

Билдирүүгө ылайык, "Притон" аталышындагы ыкчам иш-чаранын негизинде Жалал-Абад шаарынын көп кабаттуу үйлөрүнүн биринде социалдык баракчасы аркылуу өзүн жарыялап, интимдик кызмат көрсөтүп жүргөн жаран кармалган.

Бул факты боюнча кылмыш иши козголгон.

Жүргүзүлгөн ыкчам- иликтөө иштеринин натыйжасында жашыруун интимдик кызмат көрсөтүп жүргөн 23 жаштагы Тажикстандын Б.К. аттуу жараны аныкталган. Убактылуу жашап турган жери Чүй облусунун Кара-Балта шаары болгон.

Учурда тергөө амалдары жүрүп жатат.