Бишкектин Ак-Босого конушунда медициналык тез жардам станциясы ачылды

Бишкектин Ак-Босого конушунда "Ассанабил" коомдук фонду менен Бишкек шаарынын мэриясынын ортосунда түзүлгөн меморандумдун негизинде курулган медициналык жардам станциясы эшигин ачты. Бул тууралуу бүгүн, 4-декабрда Бишкек мэриясынан билдиришти.

Маалым болгондой, курулуштун негизги бөлүгү "Ассанабилл" коомдук фонду тарабынан каржыланды, ал эми Бишкек мэриясы тарабынан аймакты көрктөндүрүү, ички жана тышкы инженердик тармактарды орнотуу иштери жүргүзүлдү.

Белгилей кетсек, тез жардам станциясы Бишкек шаарынын Биринчи Май жана Свердлов райондорун тейлейт.

"Жер тилкесинин аянты 0,09 гектра имараттын аянты 140 чарчы метр, имаратта фельдшердик пункт, жетекчинин кабинети, дары-дармектер үчүн кампа, диспетчердик пункт, процедуралык жана техникалык жайлар жайгашкан",-деп айтылат маалыматта.