Көк-Жаңгакта жаңыланган маданият үйү пайдаланууга берилди (сүрөт)

Жалал-Абад облусунун Көк-Жаңгак шаарындагы маданият үйү капиталдык оңдоп түзөөдөн кийин пайдаланууга берилди.

Парламенттин басма сөз кызматынан билдиргендей, жалпысынан маданият үйүн оңдоого 12 миллион 750 миң каражат сарпталган.

Ачылыш аземине депутат Жеңишбек Токторбаев, УКМК төрагасы Камчыбек Ташиев, жергиликтүү бийлик өкүлдөрү жана жашоочулар катышты.

"Көк-Жаңгак шаарындагы маданият үйү 1947-жылы курулган. Мурда шахта башкармалыгынын карамагында болуп, 2011-жылы гана маданият бөлүмүнө өткөрүлгөн. Анын ичинде 500 орундук концерт өткөрүлүүчү зал, музей, бий залы бар. Буга чейин кооптуу абалда болуп, иш-чараларды өткөрүү кыйынга турган", - деп айтылат малыматта.