Кыргыз-тажик чек арасынын дагы 24 чакырымы макулдашылды

29-ноябрдан 5-декабрга чейин Согди облусунун Бустон шаарында кыргыз-тажик мамлекеттик чек арасын делимитациялоо жана демаркациялоо боюнча Кыргызстан менен Тажикстан делегацияларынын топографиялык жумушчу топторунун кезектеги жолугушуусу болуп өттү.

Министрлер кабинетинин басма сөз кызматынан билдиргендей, топографиялык жумушчу топтор кыргыз-тажик мамлекеттик чек арасынын 24,01 чакырымы боюнча макулдашты.

"Жолугушуунун жыйынтыгында тиешелүү протоколго кол коюлду. Тараптар Кыргызстандын аймагында өтө турган кийинки жолугушууда калган аймактарды макулдашуу боюнча ишти улантат", - деп айтылат маалыматта.