Таласта 8 жылдан бери бүтпөй жаткан мектептин курулушу аяктады

Талас облусунун Талас районуна караштуу Нуржанов айыл өкмөтүнүн Көк-Токой айылындагы Ш. Шеркулов атындагы 275 орундуу мектептин курулушу аяктады. Бул тууралуу бүгүн, 6-декабрда Мамлекеттик курулуш агенттигинен билдиришти.

Маалыматка караганда, объекттин курулушу 2015-жылы мамлекеттик бюджеттин эсебинен башталып, долбоордук кубаттуулугу 275 орунга эсептелген.

Ага ылайык, жаңы имарат 2 кабаттуу окуу корпусунан түзүлүп, аянты 1945,7 чарчы метрди түзөт.