Бишкекте мурда бир нече жолу соттолгон жаран кармалды (видео)

Бишкекте тоноого шектелип мурда бир нече жолу соттолгон жаран кармалды. Бул тууралуу бүгүн, 8-декабрда Ички иштер министрлиги кабарлады.

Маалыматка караганда, ушул жылдын июль айында белгисиз адам коркутуу жолу менен борбор калаанын тургунунун 20 миң сомдук уюлдук телефонун тартып алган.

Бул факты боюнча Кылмыш-жаза кодексинин 206-беренесинин 2-бөлүмү (Тоноо) менен кылмыш иши козголгон.

Кылмышка шектүү катары Нарын облусунун тургуну 1983-жылы туулган С.К. кармалып, анын мурда бир нече жолу соттолгону жана уюшкан кылмыштуу топтун мүчөсү катары ИИМдин каттоосунда тургандыгы аныкталды.

Учурда тергөө иштери уланууда.