Борбор калаада кышкы туристтик мезгилдин расмий ачылышы өтөт

Бишкекте кышкы туристтик мезгилдин расмий ачылышы өтөт. Бул тууралуу бүгүн, 8-декабрда Туризм департаментинен билдиришти.

Маалымдалгандай, иш-чара 14-декабрда “Бишкек Арена” шаардык муз тебүүчү аянтчасында өтмөкчү. Башталышы саат 11:00.

Туристтик мезгилдин ачылышы коньки тебүү, хоккей, муз үстүндө акробатика чеберчилигин көрсөтүү, белгилүү ырчылар жана бийчилердин катышуусундагы концерттик программа менен коштолот. Ошондой эле катышуучулар арасында байге утуп алуу мүмкүнчүлүгү бар кызыктуу сынактар уюштурулат.

Андан тышкары, шаардыктарды бул күнү муз тебүү үчүн “Бишкек Арена” тарабынан 50 пайыз арзандатуу күтөт.