Кыргыз өкмөтү балдар адабияты боюнча сыйлык тапшырды

Бул туурасында бүгүн, 17-декабрда өкмөттүн маалыматтык аппаратынан билдиришти. Сыйлыкка Сулайман Рысбаевдин «Айбийке сулуу» китеби, Каныбек Жунушевдин «Жашынмак», «Бака, бака, балчак», «Бир орундуу самолёт», «Бал курсак» китептери жана Жакыпбек Абдылдаевдин «Бал челек» жыйнагы татыктуу болду. Ал эми эң мыкты котормолор сыйлыгына Салижан Жигитов которгон А.С.Пушкиндин «Алтын балык жөнүндө жомогу» жана Абдыкерим Муратов которгон «Чоң энемдин алтын сандыгы» аттуу түрк элдеринин жомоктору татыктуу болду.