Тюменден Кыргызстанга автобус каттамдары бир жумага токтотулду

Катуу сууктан улам Орусиянын Тюмень шаарынан Бишкекке автобус каттамдары токтотулду. Бул тууралуу "Коммерсант" басылмасы жазып чыкты.

Басылманын маалыматына караганда, 8-12-декабрга чейин Кыргызстан менен Казакстанга каттамдар токтотулду. Кеп Тюменден Бишкекке, Астанага, Петропавловск жана Лисаковскиге каттамдардын токтотулушу тууралуу болуп жатат.

"Алгач 35 каттам токтотулду, андан кийин бул сан көбөйдү, анын ичинде Свердлов жана Курган облустарына, ошондой эле Тюмень облусунун бир нече калктуу конуштарына каттамдар токтотулду", — деп айтылат маалыматта.

Жергиликтүү ММКлар аймакта абанын температурасы нормадан бир топ төмөн болуп, аномалдуу суук аба ырайы күтүлүп жатканын, айрыкча түнкүсүн үшүк -42 градуска жетип, күндүз -33 градустан жогору көтөрүлө албастыгын билдиришүүдө.