УКМК Facebook'тагы Айман Манап аттуу колдонуучуну кармады

Кечээ, 10-декабрда массалык баш аламандык уюштурууга элди үндөгөн делип Facebook социалдык тармагынын колдонуучусу кармалды. Бул тууралуу УКМК кабарлады.

"Массалык баш аламандыкка жана мамлекеттик кызматкерлердин мыйзамдуу талаптарына активдүү баш ийбөөг чакырыктарды дайыма жарыялап турган Facebook социалдык тармагындагы “Айман Манап” аккаунтунун колдонуучусу, 1983-жылы туулган Б.Д.М. аттуу жаран аныкталып, кармалды. Өз аракети үчүн жоопкерчиликтен качуу үчүн колдонуучу Б.Д.М. купуялык сырларын колдонуп келген. башкача айтканда Facebook социалдык тармагында фейк аккаунтун колдонгон. Б.Д.М. жашаган жеринде ыкчам тинтүү иш-чараларынын жүрүшүндө анын уюлдук телефону, ошондой эле кылмыш ишине тиешеси бар башка буюм далилдери алынды", - деп билдиришти УКМКдан.

Учурда ыкчам-иликтөө иш-чаралары жүргүзүлүүдө.