Бишкекте алдамчылыкка шектүү кармалды

Бишкекте турак жай кооперативдеринин биринин төрагасы кармалды. Бул тууралуу Биринчи Май РИИБинен билдирди.

Маалыматка караганда, 2-декабрда милицияга Н.Н. аттуу жаран арыз менен кайрылган. Арыз ээси К.Т. аттуу жаран батир алууга көмөктөшүүнү убадалап, андан 1 миллион 620 миң сом алганын айткан. Бирок шектүү убадасына турбастан акчаны жеке муктаждыктарына коротуп, белгисиз тарапка качып кеткен.

Бул факты боюнча Кылмыш-жаза кодексинин 210-беренесине (Ишенип берилген мүлктү ыйгарып алуу же коротуу) ылайык кылмыш иши козголгон.

Милиция тарабынан кылмышка шектүү катары 1984-жылы туулган К.Т. аттуу жаран кармалып, убактылуу кармоочу жайга киргизилген.

Учурда анын ушул сыяктуу кылмыш фактыларын жасоого катыштыгы бар экендиги аныкталууда.