Өзбекстанда сууктан улам метан май куюучу жайлардын иштөөсүнө чектөө кирди

Коңшу Өзбекстан метан газ станцияларынын иштөө убактысын чектеди. Бул үй чарбаларына жана социалдык объектилерге газ берүүнүн үзгүлтүккө учурашын алдын алуу максатында жасалганын өлкөнүн Энергетика министрлигинин басма сөз кызматы билдирди.

Ведомство акыркы күндөрү абанын температурасынын төмөндөшүнө байланыштуу республиканын калкынын жаратылыш газына болгон суроо-талаптары көбөйгөнүн белгиледи. Бул өз кезегинде калктын отундун бул түрүн керектөө көлөмүнүн өсүшүнө алып келди жана газ басымынын бир топ төмөндөшүнө алып келди. Мындай абал 16-декабрга чейин сакталат.

"Мунун негизинде калкты үзгүлтүксүз режимде жаратылыш газы менен камсыз кылуу максатында метан газ станцияларынын иштөө убактысын чектөө чаралары көрүлүүдө. Планга ылайык, метан газ станциялары саат 06:00дөн 15:00гө чейин иштейт", - деп айтылат Энергетика министрлигинин билдирүүсүндө.

Мындай чектөө Өзбекстандын бардык аймактарында кирди.