Майыптуулукту белгилөө жол жобосу жөнөкөйлөштүрүлдү

Майыптуулукту белгилөө жол жобосу жөнөкөйлөштүрүлдү. Бул тууралуу бүгүн, 11-декабрда Эмгек, социалдык камсыздоо жана миграция министрлигинен билдиришти.

Маалым болгондой, министрликтин системасында 27 МСЭК иштейт, алар аркылуу жыл сайын 50 миңден ашуун адам ар кандай кызматтарды алышат.

Ага ылайык, кызмат көрсөтүүлөрдүн жеткиликтүүлүгүн жогорулатуу максатында майыптыгы бар адамдарды күбөлөндүрүү процедурасы жөнөкөйлөштүрүлдү. Эми калыбына келбей турган патологиясы бар жарандар үчүн майыптыгын такай тастыктоонун кажети жок.

"Бул адамдар үчүн 5 жылдык мөөнөткө жекече реабилитациялык программалар түзүлүп, алар саламаттыкты сактоо уюмдарынын көзөмөлүндө болот.

Мындан тышкары эгерде жарандар МСЭКке текшерүүгө келе албаса (чет өлкөдө дарылануу, ден соолугунун абалы) алар сырттан кароодон (сырттан кароодон) өтө алышат",-деп айтылат маалыматта.

Ошондой эле иштин сапатын жогорулатуу үчүн МСЭКтин жетекчилери 81 пайызга жаңыланды.