ӨКМ өлкө аймагында узак сапарга чыга турган айдоочуларга кайрылды

Кыргызгидрометтен билдиришкендей, 13-15-декабрга чейин жаан-чачынга байланыштуу Кыргызстандын тоолуу райондорунда кар көчкү түшүшү мүмкүн. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, Мырза-Аке – Кара-Кулжа – Алайкуу унаа жолдорунун 55-110-чакырымдарында, Каракол – Эңилчек, 45-48-чакырымдарында (Чоң-Ашуу ашуусу), Чоң-Ашуу ашуусунда 74-90-чакырымында кар көчкү жана катуу кар бороондору күтүлөт.

Өзгөчө кырдаалдар министрлиги ошондой эле айдоочуларды унаа айдап баратканда коопсуздук чараларын сактоону суранды.

«Урматтуу айдоочулар! Жолдор тайгак болуп, муз тоңгон. Буга байланыштуу унаалардын ортосундагы 50 метр аралык кыймыл чектелиши зарыл. Узак сапарга чыкканда кар чынжырларын, тамак-ашты, ысык сууну жана аптечканы алып жүрүүнү унутпаңыз.

Эгер кырсыкка күбө болсоңуз, дароо 112 кызматына чалып, жардам сураңыз», - деп айтылат маалыматта.