Жумабеков 90 кыргызстандык үч күндөн бери Казакстандын талаасында жатканын айтты

Кыргызстандын 90 жараны үч күндөн бери Казакстандын талааларында суукта калды. Бул тууралуу бүгүн, 14-декабрда парламентте депутат Дастан Жумабеков билдирди.

Эл өкүлү алар “Хоргос” базарынан келе жатканда унаалары бузулуп калганын айтты.

"Тез арада жардам берсеңиздер. Тамак-ашы да түгөнүп калыптыр. -35 градус суукта талаада калдык деп кайрылып жатышат", - деди Жумабеков.

Ага тышкы иштер министри Жээнбек Кулубаев маселе көзөмөлүндө экенин айтып, тиешелүү чаралар көрүлүп жатканын билдирди.