Мамлекеттик тууну өзгөртүү: Балбак Түлөбаев эмне себептен добуш бербей койгонун айтты (видео)

Бүгүн, 20-декабрдагы Жогорку Кеңештин жыйынында мамлекеттик туунун элементтерин өзгөртүү боюнча мыйзам долбоору дароо экинчи жана үчүнчү окууда жактырылды.

Анда каттоодон өткөн 79 депутаттын 59у колдоду. 5 эл өкүлү "каршы" добуш берсе, 15 депутат добуш берген жок.

Мамлекеттик тууну өзгөртүүгө добуш бербей койгондордун арасында депутат Балбак Түлөбаев дагы бар. Ал эмне себептен добуш бербей койгонун айтып берди.

"Биринчисинде макул болгом, анан эл мени чакырды. Жети-Өгүзгө, Тоңго, Кеминге бардым. Ал жерлерден мага "Экинчи окуу, үчүнчү окуу дебей мындан кийин каршы чыгасың" деп айтышты. Мен президенттин тарапташымын, позициям өзгөргөн жок. Бирок бул маселеде эл мага "сен добушуңду бербе" деп айтты. Мен ошон үчүн добушумду берген жокмун", - деди Балбак Түлөбаев.