Экономика министри быйылкы 10 айдагы ички дүң продуктунун көлөмүн атады 

Ушул жылдын январь – ноябрында өлкөдө ички дүң продуктунун көлөмү 1 триллион 72,6 миллиард сомду түздү. Бул тууралуу экономика жана коммерция министри Данияр Амангелдиев бүгүн, 19-декабрда өткөн маалымат жыйынында билдирди.

Ал улуттук статистика комитетинин алдын ала баалоосуна таянып, экономиканын реалдуу өсүш темпи 104,4 пайызды түзгөнүн белгиледи.

Бул көрсөткүч өткөн жылдын ушул мезгилинде 106,3 пайызды түзгөн.

"2023-жылдын жыйынтыгы боюнча ИДПнын өсүш темпи 104,5 пайызды түзөт, өнөр жай, кызмат көрсөтүү сыяктуу секторлордун аркасында. Ал эми инфляциянын деңгээли (2023-жылдын декабры 2022-жылдын декабрына карата) 10 пайыз төмөн деп болжолдонууда, бул бир жагынан азык-түлүк инфляциясынын өсүшүнүн уланып жаткан басаңдашы, экинчи жагынан инфляциялык күтүүлөрдүн жогорку деңгээлинин сакталышы жана туруктуу базалык инфляция менен шартталган", - деди ал.

Экономика секторлорунда көрсөткүчтөр 2023-жылдын январь – ноябрында курулушта өндүрүштүн көлөмү 14,3 пайызга, кызмат көрсөтүү чөйрөсүндө 5,6 пайызга, өнөр жайда 1,6 пайызга, айыл чарбасында 0,3 пайызга өскөнү айтылды.