"Эч ким көзөмөлгө албай жатат". Тургун Сокулукта тротуарда көмүр саткандар көбөйгөнүн айтты

Чүйдөгү Сокулук районунун борборунда эл өтүүчү тротуарда көмүр саткандар көбөйүүдө. Бул тууралуу окурман ЭЛДИК КАБАР бөлүмүнө кайрылганда айтты.

"Бирин жоготсок кайра башкалары келип күнү-түнү көмүр сатууда. Трассанын жээгинде көмүр ташуучу унаалар тизилет. Жол кайгуул кызматы деле карап коюшпайт. Буларды ким көзөмөлдөйт? Көмүр сатканга ким уруксат берүүдө? Сурасак айыл өкмөтү уруксат берген дешип эч кимди тоготушпайт. Ушул көйгөйдү көптөн бери эч ким чечип бербей жатат. Эми кимге кайрылабыз?" деп собол узатты окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.