Бишкек мамлекеттик университетинде студенттер эвакуацияланды (видео)

Борбор калаадагы Бишкек мамлекеттик университетинде Өзгөчө кырдаалдар министрлиги өрт-тактикалык машыгууларды өткөрүп жатат. Бул тууралуу студенттер билдиришти.

Айтымында, окуу жайдын ичиндеги студенттер эвакуация болуп, сыртка чыгарылды.

ӨКМнын өрт өчүрүү жана алдын алуу башкармалыгынын бөлүм башчысы Ренат Токталиев имаратта өткөрүлгөн өрт-тактикалык иш-чаранын максаты тууралуу кеп кылды.

"Бүгүн БМУ өрт-тактикалык машыгуу өткөрүлдү. Иш-чаранын максаты - имаратта жайгашкан персоналдардын жана студенттердин өрт чыккандагы иш-аракеттерине баа берүү болуп саналат" деди ал.