Өлкөдө 90 миңден ашык нускада “Алиппе” окуу китеби басылып чыкты 

Окутуу кыргыз тилинде жүргүзүлгөн мектептердеги 1-класстын окуучулары үчүн 90 миң 450 нускада “Алиппе” окуу китеби басылып чыкты. Бул тууралуу бүгүн, 21-декабрда Билим берүү жана илим министрлигинен билдиришти.

Маалым болгондой, “Алиппе” окуу китеби республикалык бюджеттен китеп басып чыгарууга бөлүнгөн каражаттын эсебинен 20 миллион 170 миң 350 сомго басылды.

Ошондой эле окутуу кыргыз тилинде жүргүзүлгөн мектептердин мугалимдери үчүн 721 миң 285 сомго 3 миң 985 нускада “Алиппе” методикалык колдонмо басылып чыкты.

Ага ылайык, “Алиппе” окуу китеби жана мугалимдер үчүн методикалык колдонмо аймактардагы мектептерге таратыла баштады.

"Президент Садыр Жапаровдун “Кыргыз Республикасынын билим берүү уюмдары үчүн окуу материалдарын даярдоо маселелери жөнүндө” жарлыгына ылайык, окуу китептерин “Учкун” ААК басып чыгарууда", - деп айтылат маалыматта.