ЖОЖдорго кышкы кабыл алуунун биринчи туру башталды

Өлкөдө 2023-2024-окуу жылына карата жогорку окуу жайларга кышкы кабыл алуунун биринчи туруна каттоо башталды. Бул тууралуу бүгүн, 25-декабрда Билим берүү жана илим министрлигинин басма сөз кызматынан билдирди.

Ага ылайык, абитуриенттерди биринчи турга каттоо төмөнкүдөй графикте жүргүзүлөт:

25-27-декабрь – талапкерлерди каттоо;

27-декабрь саат 14:00 – каттоону аяктоо;

28-декабрь саат 9:00гө чейин – кабыл алууга сунушталган абитуриенттердин тизмесин жайгаштыруу;

28-30-декабрь саат 16.00гө чейин – ЖОЖго кабыл алууга сунушталган абитуриент өзүнүн окууга болгон каалоосун тастыктоосу.

ЖОЖдорго кышкы кабыл алуу үчүн абитуриенттерди тандоо жана кабыл алуу графиги тууралуу толугу менен шилтеме аркылуу таанышууга болот.