Камчыбек Ташиев өлкөдөгү базар ээлерине ыраазычылыгын билдирди (видео)

Кыргызстандагы бардык базарлардын кожоюндарына ыраазычылыгымды билдирем. Бул тууралуу бүгүн, 25-декабрда УКМК башчысы Камчыбек Ташиев Чүй облусундагы УКМКнын жаңы салынган имаратын ачып жатып билдирди.

“Кыргызстандагы бардык базар ээлерине өзүмдүн атымдан ыраазычылык билдирип кетким келет. Анткени алар мамлекеттин тапшырмасы менен базардагы сатуучулардын ижара акысын түшүрдү. 20 пайыздан 60 пайызга чейин түшүргөндөр да болушту. Эми мындан ары базардагы тартипти иретке келтирип, сатуучуларга шарттарды түзүп берүү керек. Башкача айтканда, инфрастуркурасын иштеп чыгуу зарыл. Дагы бир тапшырма бар. Базардагы контейнерлердин ээлери менен сүйлөшүү керек. Анткени бир эле ишкердин 10го жакын контейнери бар экен. Алар бир эле контейнерин 200-300 миңге чейин ижарага беришет экен”,-деди Ташиев.