Бишкектеги балаты КМШдагы эң мыкты балатылардын катарына кирди

Борбор калаа Бишкектеги башкы балаты КМШнын борборлорундагы эң бийик бештиктин катарына кирди. Жаңы 2024-жылга карата эң бийик негизги жаңы жылдык балатылардын рейтингин ТурСтат туристтик порталы чыгарган.

Маалымдалгандай, КМШ өлкөлөрүнүн эң бийик балатылардын ондугуна төмөнкү шаарлар кирген:

• Ашхабад - 44 метр;
• Ереван - 37 метр;
• Ташкент 35 метр;
• Баку 34 метр;
• Бишкек 32 метр;
• Минск 30 метр
• Душанбе 30 метр;
• Москва 25 метр;
• Астана 25 метр;
• Алматы 20 метр.

Эске салсак, Бишкектин "Ала-Тоо" аянтындагы башкы жаңы жылдык балаты 15-декабрда салтанаттуу түрдө жанган.

Маалыматта рейтинг КМШ өлкөлөрүнүн борборлорундагы башкы балатылардын бийиктигин изилдөөнүн жыйынтыгы боюнча түзүлгөнү айтылат.