Ошто 600 баланын катышуусунда мэрдин балатысы өттү 

С. Ибраимов атындагы ОУДТда Ош шаарынын мэринин балдар үчүн жаңы жылдык “Алтын балаты – 2024” майрамы болуп өттү. Бул тууралуу Ош мэриясынан билдиришти.

Маалыматка ылайык, Оштун мэри Бакытбек Жетигенов калаанын жаш тургундарын келе жаткан жаңы жылы менен куттуктап, аларга чың ден соолук, кубаныч жана окууларында албан ийгиликтерди каалады.

"Мэрдин балатысына 600дөн ашуун мектептин алдыңкы окуучулары, майыптыгы бар, аз камсыз болгон, көп балалуу үй-бүлөлөрдүн балдары катышты.

Иш-чаранын жүрүшүндө балдарга шаардык маданият башкармалыгы, “Келечек” балдардын чыгармачылык борбору тарабынан оюн-зоок программасы көрсөтүлүп, балдарга майрамдык маанай тартууланды", - деп айтылат маалыматта.

Соңунда майрамга катышкан бардык балдарга таттуу белектер тапшырылды.