2023-жылы Жер шарындагы адамдардын саны канчага көбөйгөнү белгилүү болду

АКШнын Калкты каттоо бюросу жарыялаган маалыматтарга караганда, өткөн жылы жер шарынын калкы 75 миллион адамга көбөйгөн. Бул тууралуу чет элдик басылмалар жазышты.

Маалыматка ылайык, 2024-жылдын 1-январына карата болжолдонгон дүйнө калкынын саны 8 миллиард 19 миллион 876 миң 189 адамды түзөт, бул 2023-жылдын Жаңы жыл күнүнө карата 75 миллион 162 миң 541ге (0,95 пайызга) көп.

Эл каттоо бюросунун маалыматы боюнча, 2024-жылдын башында секунд сайын 4,3 ымыркай төрөлөт жана секунд сайын эки адам өлөт.