Ошто 15 жаштагы Элербек дайынсыз болууда

Ошто 15 жашар бала үйүнөн чыгып кеткен бойдон дайынсыз болууда. Бул тууралуу Ноокат РИИБинин басма сөз кызматынан билдиришти.

Маалыматка ылайык, 8-декабрь күнү Ноокат районунун Гулистан айыл аймагынын Чили-Сай айылынын жашоочусу 2008-жылы туулган Рахманалиев Элербек Мадаминжонович саат 16:00дө жогоруда көрсөтүлгөн даректен чыгып кеткен боюнча дайынсыз болууда.

Аталган окуя каттоого алынып, териштирүү иштери жүргүзүлүүдө.

Анын бою 150-155 сантиметр, үстүндө кызыл джемпир, көк түстөгү фудболка, кара түстөгү шым, бутунда кара түстөгү кышкы бут кийим болгон.

Анын жакындары жалпы өлкө аймактарындагы жашоочулардан, өзгөчө Ош облусунун Ноокат районунун тургундарынан, сиздер жашаган аймактардагы кароосуз калган жерлерди дыкат карап, айланаңыздарга көз салып берүүңүздөрдү өтүнөт.

Эгерде аны көргөн билгендер болсо, төмөнкү уюлдук номерлерине кабарлап коюуңуздарды суранат.
(03230) 52-102. 0776-30-31-03. 055730-31-07.