Сүйүнчү! Бишкекте үч эм жарык дүйнөгө келди

Бишкек шаардык перинаталдык борборунда үч эм жарык дүйнөгө келди. Бул тууралуу бүгүн, 3-январда Саламаттык сактоо министрлигинин басма сөз кызматынан билдиришти.

Кабарлангандай, 36 жаштагы К.к.А. аттуу айым 2-январда операция жолу менен үч кызды жарык дүйнөгө алып келген.

Ымыркайлардын салмагы- 2 килограмм 80 грамм, 2 килограмм 340 грамм, 2 килограмм 140 грамм.

Наристелердин жана апасынын абалы туруктуу экени айтылды. Белгиленгендей, учурда алар кам көрүүнүн экинчи этабында.