Казакстанда автобус 10 жеңил унааны сүзгөн жол кырсыгы катталды (видео)

Бүгүн, 4-январда Казакстанда жүргүнчүлөрдү ташыган автобус 10 жеңил унааны сүзүп, жол кырсыгына кабылды. Бул тууралуу өлкөнүн жергиликтүү басылмалары жазып чыкты.

Маалыматка караганда, кырсык бүгүн, болжол менен саат 10:45 чамасында Жамбыл облусунун Тараз шаарында көчөлөрдүн биринде орун алган. Видеодон автобус каршы тилкеге ​​чыгып, бакты андан кийин токтоп турган жеңил унааларды сүзүп кеткенин көрүүгө болот.

"Жол кырсыгы катталган учурда автобуста 10 жүргүнчү болгон. Алардын бири 56 жаштагы аял алган жаракаттары менен ооруканага жаткырылды", - деп айтылат маалыматта.

Учурда автобустун айдоочусуна карата сотко чейинки тергөө иштери жүрүүдө.