Бишкекте ден соолукту чыңдоочу медициналык борбордун курулушу мыйзамдуу түрдө жүргүзүлүүдө

Бишкектин 7-кичирайонундагы ден соолукту чыңдоочу медициналык борбордун курулушу мыйзамдуу түрдө жүргүзүлүүдө. Бул тууралуу Мамлекеттик курулуш агенттигинен билдиришти.

Ага ылайык, Бишкектин тургуну Фейсбук баракчасы аркылуу жасаган кайрылуусуна ыкчам жооп берүү максатында, Мамкурулуш агенттигинин кызматкерлери курулуш иштери жүрүп жаткан курулуш объектисине жерине чыгып, текшерүү жүргүзүштү.

"Текшерүүнүн жыйынтыгында, “7-кичирайонунун, 33/3 дарегиндеги 3 кабаттуу ден соолукту чыңдоочу борборунун курулуш иштери жеке менчик жер тилкесинде жүргүзүлүп жаткандыгы аныкталып, курулуш иштерин жүргүзүүгө бардык тийиштүү уруксат кагаздары бар болуп чыкты. Мамлекеттик экспертизанын оң корутундусу алынганы жана бүгүнкү күндө курулуш иштери мыйзамдуу түрдө жүргүзүлүп жаткандыгы аныкталды",-деп айтылат маалыматта.