Интернетке Арстан Алайдын акыркы мүнөттөрү делген видео тарады

Социалдык тармактарда Юстиция министрлигине караштуу Жазаларды аткаруу кызматынын атайын дарылоо-түзөтүү мекемесинин ашканасында асынган абалда табылган Арстанбек Абдылдаевдин (Арстан Алай) акыркы мүнөттөрү делген видео тарады.

Видео 5-январь күнү саат 03:50 чамасынан саат 05:30га чейин тартылганын көрүүгө болот.

Бул видео боюнча Жазаларды аткаруу кызматы маалымат бере элек.

Диндер аралык кастыкты козутууга багытталган чакырыктарды жасоого айыпталып №31 абакта отурган Арстанбек Абдылдаев 5-январда каза болгон. Жазаларды аткаруу кызматы ал асынган абалда табылганын билдирген.

Бул факты боюнча учурда тергөөгө чейинки териштирүү иштери жүрүүдө.