Арстан Алайдын уулу: "Кыргыз элимден суранам, атамды тынч койгулачы"

Бишкекте абакта каза болгон Арстанбек Абдылдаевди (Арстан Алай) акыркы сапарга узатуу зыйнаты 7-январда өтүп, сөөгү шаар четиндеги Орок айылына коюлган.

Маркумдун уулу Ауирдин SUPER.KG порталына маек берип жатып кыргыз элинен атасынын артынан жаман сөз айтпай, тынч коюусун суранды.

"Кыргыз элинен суранат элем, атамды тынч койгулачы. Артынан жаман сүйлөбөйлүчү. Бир туугандарыма, апама да кыйын. Атамдай адам бир кылымда бир төрөлөт. "Кыргыз" деп күйүп жүрүп өтүп кетти. Патриот болчу. Менин оюмча биздин эл мындай атамга татыктуу эмес. Башка жерде төрөлсө балким башкача болмок. Атамдын өзүнө кол салды дегенине такыр ишенбейм. Акыйкатты талап кылабыз", - деп көзүнө жаш алды.

Белгилей кетсек, 5-январь күнү саат 05:15 чамасында Юстиция министрлигине караштуу Жазаларды аткаруу кызматынын атайын дарылоо-түзөтүү мекемесинин ашканасында айыпталуучу Арстанбек Абдылдаев асынган абалда табылган.

Толугу менен SUPER.KG порталынын You Tube каналынан көрүңүз.