УКМК Фейсбукта аймактагы адамдардын өзгөчөлүгүн пропагандалаган жаранды тинтүүгө алды

Фейсбук социалдык тармагына тенденциялуу материалдарды жарыялаган адамдын ишине бөгөт коюлду. Бул тууралуу бүгүн, 11-январда УКМК билдирди.

Атайын кызматтын маалыматына караганда, К.К. аттуу жарандын Фейсбукта региондорго таандык белгилери боюнча адамдардын өзгөчөлүгүн пропагандалоого багытталган тенденциялуу, провокациялык материалдарды жарыялаган ишмердиги аныкталып, ага бөгөт коюлган.

Анын үйүнө 9-январда тинтүү жүргүзүлүп, аймактар аралык тынчтыкка жана ынтымакка каршы кылмыш жасоого колдонулган уюлдук телефон табылып алынган.

Учурда тергөө иштери жүрүп жатат.