Тиш дарылаган 251 жеке клиниканын ээсине 1,5 миллион сом айып пул салынды

Тиш дарылаган 251 жеке клиниканын ээсине 1,5 миллион сом айып пул салынды. Бул тууралуу бүгүн, 15-январдагы Жогорку Кеңештин Социалдык саясат боюнча комитетинин жыйынында Саламаттык сактоо министринин кеңешчиси Ринат Мавланбай уулу билдирди.

Саламаттыкты сактоо министрлигинин өкүлү 2023-жылдын ноябрь, декабрь айларында Бишкек, Ош шаарларында жана Чүй облусунда текшерүү жүргүзүлгөндүгүн белгиледи.

Тактап айтканда, 626 ишкерлер текшерилип, алардын 410унда лицензиясы болсо, калгандарында жок болуп чыккан. Анын натыйжасында 251 ишкерге 1,5 миллион сом айып пул салынган.

Белгилей кетсек, депутаттар Бишкекте тиш дарылатууда чарчап калган 3 жашар кыздын ишин иликтөө боюнча Саламаттык сактоо министрлигинин маалыматын укту.