ОРВИ жана грипптин көбөйүшү: Өлкөдө бир аптада 10 миңден ашуун учур катталды

Эпидемиялык мезгилдин башталышы менен республикада ОРВИ жана сасык тумоо менен ооругандардын өсүшү байкалууда. Бул тууралуу Ооруларды алдын алуу жана мамлекеттик санитардык-эпидемиологиялык көзөмөлдөө департаментинен билдиришти.

Маалыматка караганда, өлкөдө бир жума ичинде ОРВИ менен ооруган 10 миң 112 учур катталып, оорунун көрсөткүчү 22,5 пайыздан жогору болду. Бардык оорулардын 65,4 пайызы 14 жашка чейинки балдар.

Ага ылайык, оорунун жогорку деңгээли Бишкек шаарында, Чүй жана Баткен облустарында катталган, аларда интенсивдүү көрсөткүчтөр: 310,8; 229,8 жана 166,7.

Республикада COVID-19 боюнча эпидемиологиялык абал туруктуу, мониторингдин маалыматтары боюнча жумасына 2ден 6га чейин учур катталат. 2 апта ичинде Бишкек шаарында жана Чүй облусунда СOVID-19 инфекциясынын 4 учуру катталды.

Буга байланыштуу бардык саламаттыкты сактоо уюмдарында маска жана карантин режими киргизилди.