"Камера тоо жакка кеткенин көрсөттү". Аламүдүн капчыгайында эркек киши дайынсыз жоголду (видео)

Аламүдүн капчыгайындагы "12 каминов" эс алуу аймагында Мухамедаалы Маматаалы уулу аттуу жаран дайынсыз болуп изделип жатат.

Алардын айтымында жоголгон жаран талма оорусу менен ооруйт. Жакындарынын айтымында ал тоо тарапта жана ал өз алдынча түшө албайт. Алардын айтымында Өзгөчө кырдаалдар министрлиги дагы буга жакшы реакция кылбай жатышат.

"Атайын техниканын жардамы, дрондор ​​керек. Өзгөчө кырдаалдар министрлигине кайрылдык, бирок так жооп жок. УКМК жетекчиси Камчыбек Ташиевге кайрылабыз. Буюм жоголгон жок, адамды издеп жатабыз. Керектүү шаймандары, дрондору барлар жардам бериңиздер. Учак менен дагы издесе болот экен, учак ӨКМда эле бар экен. Видео камерадан карасак ал акыркы жолу тоо тарапка кетиптир, кайра ылдый түшкөн эмес", - дешти алар.