Улуттук банк мыйзамсыз акча алмаштырган жарандарга айып салды

Улуттук банк мыйзамсыз акча алмаштырган жарандарга айып салды. Бул тууралуу бүгүн, 19-январда Улуттук банктан билдиришти.

Маалыматка ылайык, лицензиясы жок нак чет өлкө валютасы менен алмашуу операцияларын жүргүзгөндүгү үчүн Кыргызстандын К.Ж.Ө. аттуу жаранына карата 17 миң 500 сом өлчөмүндө айып пул салынды.

"Айып пул белгиленген мөөнөттөрдө төлөнбөгөндүгүнө жана туум өлчөмү "Укук бузуулар жөнүндө" кодекстин 35-беренесинде көрсөтүлгөн максималдуу мааниге жеткендигине байланыштуу Н.С.Н. аттуу жаранга карата укук бузуу жөнүндө иш боюнча туум эсептөө жөнүндө токтом кабыл алынды", - деп айтылат маалыматта.