Бишкекте эки автобус каттамынын схемасы өзгөртүлдү

Бишкекте №34 жана №146 автобус каттамдарынын схемасы өзгөртүлдү. Бул тууралуу бүгүн, 19-январда калаа мэриясынан кабарлады.

Маалыматка ылайык, мындай чечим ведомстволор аралык комиссиянын жыйынында кабыл алынды.

№34 автобус Шоро компаниясынан жаңы автобекетке чейин узартылды.

Ал эми №146 автобус Мыкан айылына жүргүзүлдү.

Бул иш-чара шаардын маршруттук тармагын оптималдаштыруунун алкагында жана Мыкан айылынын тургундарынын бир нече жолу кайрылуусунан улам кабыл алынган.