Салык кызматы кадрлар резервине ачык сынак жарыялады (талаптар)  

Мамлекеттик салык кызматы кадрлар резервине ачык конкурс жарыялады. Бул тууралуу бүгүн, 20-январда кабарлады.

Ага ылайык, Мамлекеттик салык кызматы ведомствонун кадрлар резервине кирүү үчүн административдик мамлекеттик кызмат орундарынын башкы, улук жана кенже тобуна ачык сынак жарыялайт.

Резерв бир нече блоктон турат, анда жогорку билим профилине, иш стажына жана ар бир блокко карата тиешелүү чөйрөдө көндүмдөрдүн жана жөндөмдөрдүн болушуна талаптар коюлат.

"Ачык конкурска катышууну каалагандар талап кылынган документтерди тапшырып, Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинен компьютердик тестирлөөдөн өтөт. Андан тийиштүү балл топтогондор менен маектешүү болот.

Конкурстун бардык этаптарынан ийгиликтүү өткөн талапкерлер Салык кызматынын кадрлар резервине киргизилет", - деп жазылат маалыматта.

Арыз берүүнүн мөөнөтү 31-январга чейин.

Сынакка катышуунун шарттары жана толук маалымат шилтемеде.