Бишкекте 22-январдан тарта №55 жаңы автобус каттамы ишке кирет

Бишкекте 22-январдан тарта №55 жаңы автобус каттамы ишке кирет. Бул тууралуу бүгүн, 20-январда калаа мэриясынан кабарлады.

Маалыматка ылайык, каттам Чоң-Арык айылынан айланма жол менен жүрүп, Байтик-Баатыр, Жибек-Жолу, Чыңгыз Айтматов көчөлөрүн камтыйт. Анын узундугу 24 чакырым, ал эми автобустардын кыймыл интервалы 10 мүнөттү түзөт. Каттамда 20 автобус кызмат көрсөтөт

Мындай чечим шаардын маршруттук тармагын оптималдаштыруунун натыйжасында жана экологиялык жактан таза транспорт түрүн туруктуу өнүктүрүүнү камсыз кылуу максатында кабыл алынган.