"Дүрбөлөңгө түшпөңүздөр!". Өзгөчө кырдаалдар министри кайрылуу жасады (видео)

23-январга караган түнү өлкө аймагында орун алган жер титирөө боюнча Өзгөчө кырдаалдар министрлиги билдирүү таратты.

Министр Бообек Ажикеев күчү очогунда 7 баллга жеткен зилзала саат 00:09да Кытайдын аймагында катталганын айтты.

"Жер титирөө өзгөчө катуу деңгээлде Ысык-Көл облусунун Ак-Суу, Түп, Жети-Өгүз райондорунда сезилди. Ал эми Бишкекте 4-5 баллдын тегеригинде болду", - деди Ажикеев.

Ошондой эле ал азырынча жер титирөөдөн жабыркагандар жана кыйроолор катталбаганын айтып, элди дүрбөлөңгө түшпөөгө чакырды.